Skip to main content

మాన్ హోల్ కవర్లు

ఒక దేశ నాగరికతా వికాసం ఎలా వుందో తెలుసుకోవాలంటే ఆ దేశంలోని రోడ్ల మీది మాన్ హోల్స్ చూస్తే సరిపోతుందేమో. ఇది నేను నవ్వులాటకు అనటం లేదు. నిజంగానే అంటున్నాను. మాన్ హోల్స్ అంటే చాలా అప్రధానమైన విషయం అని అనిపించవచ్చు. కాని రోడ్డు భద్రత విషయంలో ఇదొక ముఖ్యమైన విషయం.

రోడ్డుమీద యధాలాపంగా డ్రైవ్ చేస్తూ వెళ్తుంటాం. సడన్ గా  ముందు వాహనం కదిలి పోతుంది. అక్కడ యమకూపం లాంటి మాన్ హోల్ దర్శనమిస్తుంది. దాన్ని తప్పించడానికి స్టీరింగు కుడికో, ఎడమకో తిప్పుతాం, లేదా సడన్ బ్రేకు వేస్తాం. ఏం చేసినా రద్దీగా ఉండే రోడ్డుపై ఆక్సిడెంటు జరగడం ఖాయం. తర్వాత తిట్లూ, కొట్లాటలూ, కేసులూ మామూలే.

ఒకవేళ ఆ యమకూపాల మీద నుంచి అలాగే పోదామా? టైర్లు పగలడమో, విడిభాగాలు విరిగిపోవడమో, ద్విచక్రవాహనమైతే క్రింద పడిపోవడమో ఖాయంగా జరుగుతుంది.

అసలు మాన్ హోల్లు ఎలా వుండాలి? ఉదాహరణకు క్రింది బొమ్మలు చూడండి.


ఇలాంటి మాన్ హోల్లు కట్టడం బ్రహ్మ విద్యా? రాకెట్ సైన్సా? కనీసం సివిల్ ఇంజనీరింగ్ పరిజ్ఞానం కూడా అవసరం లేదు. తాపీ మేస్త్రీ పనితనం చాలు. కానీ మన మాన్ హోల్సు ఎలా ఉంటాయో పరీక్షిద్దాం. ఇది నేనేదో మనని మనం అవమానించుకోవడంగా భావించడం లేదు.  నిజాలను గమనించడంగా మాత్రమే అనుకుంటున్నాను.


ఇవి కేవలం ఉదాహరణకు మాత్రమే. ఘనతవహించిన మన హైదరాబాదు మహానగరంలో రాజమార్గాలపై ఇలాంటివి వందలు, వేలు కనపడతాయి. వీటిగుండా ప్రయాణం ఎంత నరక ప్రాయంగా ఉంటుందో వేరే చెప్పా నవసరం లేదు.

వీటికి మన రాజకీయులని నిందించి ప్రయోజనం లేదు. తప్పంతా ఇంజనీర్లదే. తినే కమీషన్లు ఎలాగూ బొక్కుతున్నారు. మెటీరియల్ క్వాలిటీలో ఎలాగూ కాంప్రమైజ్ అవుతున్నారు. కనీసం నిర్మాణంలో నైనా కాస్త క్వాలిటీ కంట్రోల్ చేస్తే వీళ్ళ సొమ్మేం పోయింది?
Labels:

Comments

Post a Comment

బ్లాగుపై మీ అభిప్రాయాలు,సూచనలు, సలహాలకు ఆహ్వానం.
దయచేసి సభ్యత లేని వ్యాఖ్యలు తొలగించ బడతాయని గమనించ గలరు.

Popular posts from this blog

కేసీయార్ అనుచిత వ్యాఖ్యలు

చంద్రశేఖర రావు ఆంధ్రా బిర్యానీని పరిహసిస్తూ వ్యాఖ్యలు చేయడం ప్రతి తెలంగాణా పౌరుడు ఖండించ దగిన విషయం. ఇలాంటి వ్యాఖ్యలు రాజకీయాలలో కొత్త కాక పోయినా ఒక ఉదాత్తమైన ప్రజా ఉద్యమానికి శోభ నివ్వవు. నిజానికి హైదరాబాదీ బిర్యానీకి దేశ వ్యాప్తంగా మంచి పేరు ఉంది. దేశ ప్రధాని, రాష్ట్రపతి విదేశీ ప్రతినిధులకు ఎప్పుడు విందులు చేసినా తప్పనిసరిగా ఉండే వంటకం హైదరాబాదీ బిర్యానీ. ప్రక్క వారి వంటకాలను తిట్టడం ద్వారా దీనికి కొత్తగా గొప్పదనం ఆపాదించవలసిన అవసరం లేదు, ఇతరులను హేళన చేయడం తప్ప. ఈ వ్యాఖ్యలు చంద్రశేఖర రావు చేయడంలో ఆశ్చర్యం లేదు. చంద్రశేఖర రావు ఒక ఫక్తు రాజకీయ నాయకుడు. అతనికి ప్రజల్లో ఉన్న తెలంగాణా ఆకాంక్షని స్వలాభాపేక్షగా మార్చుకోవాలనే తపన ఉంది తప్ప తెలంగాణాలో ఉన్న నిజమైన పీడిత తాడిత శక్తులకు ఆయన ప్రాతినిధ్యం వహించడం లేదు. అయితే నిద్రాణంగా ఉన్న తెలంగాణా వాదాన్ని తట్టిలేపి బలంగా వినిపించిన ఘనత కేసీయార్ కే దక్కుతుంది. కాంగ్రెస్, తెలుగుదేశం కలిసికట్టుగా తెలంగాణా వాదాన్ని చావు దెబ్బ తీయడానికి ప్రయత్నించిన నేపథ్యంలో నిఖార్సైన తెలంగాణా వాదిగా కేసీయార్ మాత్రమే తెలంగాణా ప్రజల సంపూర్ణ మద్ద...
18 comments
ఇంకా చదవండి

వాదోప వాదాలు

ఈ మధ్యన వినిపిస్తున్నన్ని వాదాలు ఇదివరలో ఎప్పుడూ వినలేదు. ప్రతి ఒక్కరూ ఏదో ఒక వాదాన్ని తలకెత్తుకుని వాదించే వారే! అసలు ఈ వాదాలు ఏమిటి, ఎందుకు అని ఒకసారి ఆలోచిద్దామనిపించింది. అసలు ఫలానావాదం అంటే ఏమిటి? తమ వాదనకు పెట్టుకునే పేరు. సామ్యవాదం అంటే అర్థం చేసుకోవచ్చు. అందరు మనుషులూ సమానంగా ఉండాలని చెప్పేదే సామ్యవాదం. అందరు మనుషులూ సమానంగా ఉండాలి సరే, మరి అందరూ సమానంగా పనిచేయాలా వద్దా? వివరాలకు వెళ్ళితే అలా పని చేయక పోయినా ఫరవాలేదని చెప్పేదే కమ్యూనిజం. ప్రతి ఒక్కరు చేయగలిగినంత పని, ప్రతి ఒక్కరికి తినగలిగినంత తిండి, స్థూలంగా ఇదే కమ్యూనిజం. మరి ఎవరైనా అస్సలు పని చేయక పోతే ఎలా? అనే ప్రశ్నకు ఇంతవరకు సంతృప్తి కరమైన సమాధానం దొరకలేదు.  ఈ మధ్య సరేసరి. తెలంగాణావాదం, సమైక్యవాదం జనం రోజూ నోళ్ళలో నానుతున్న పదాలు. వీటి గురించి ప్రతి ఒక్కరికి తెలుసు కాబట్టి వేరే చెప్ప నక్కరలేదు. ఇకపోతే హిందుత్వ వాదం. హిందువుల ఆత్మ గౌరవం, హిందూ జాతి పరిరక్షణ, హిందువుల హక్కులు etc etc అని అర్థం చేసుకోవచ్చు. కొండొకచో ముస్లిం, కిరస్తానీ వ్యతిరేకత అనే అభిప్రాయం కూడా వుంది. హిందుత్వ అనగానే గుర్తొచ్చేది లౌకికవాదం. దీని గ...
22 comments
ఇంకా చదవండి

సాయి బాబానా, దేవుడా?

యధాలాపంగా చానెళ్ళు తిరగేస్తుంటే ABN/ఆంధ్రజ్యోతి లో ఒక వింత చర్చ కనిపించింది. 'అందరి వాడేనా' అనే టైటిల్ తో ఒక సాయి బాబా భక్తుడు గారు, ఒక శాస్త్రులు గారిని కూర్చో బెట్టి యాంకరు వీర లెవెల్లో తతంగం నడిపిస్తున్నాడు. నేను మధ్యలో జాయినైనానేమో ముందేమీ అర్థం కాలేదు. చివరకి అర్థమైన సారాంశం ఇదీ. గుంటూరు జిల్లాకి చెందినా ఒక డాక్టరు గారు 'షిర్డీ సాయిబాబా అసలు హిందూ దేవుడే కాదు' అంటూ వాదం లేవ దీస్తూ ఒక పుస్తకం రాశాడట. దాంట్లో సాయిబాబా అసలు హిందువే కాదని, నిరంతరం 'అల్లా మాలిక్' అనుకుంటూ తిరిగిన వాడిని హిందువు లెందుకు పూజించాలని ఆయన ప్రశ్నలు లేవ దీశాడు. సనాతన ధర్మం రోజు రోజుకీ అటకెక్కి, జనం సాయి జపంలో మునిగి తేలుతున్న ఈ తరుణంలో కక్కా లేక మింగా లేక గుర్రుగా వున్న సనాతన వాదులకు దీంతో కొంత బలం చేకూరినట్టే కనిపిస్తుంది. అందుకే కాబోలు, శాస్త్రులు గారు వీర లెవెల్లో వాదన వినిపిస్తున్నారు. ఎప్పుడూ నాస్తికులకు, అస్తిత్వ వాదులకు మధ్యన జరిగే వాదనలు విని విని విసుగెత్తిన తరుణంలో ఇదేదో కొత్తగా బాగానే ఉందని పించింది. వార్తల చానెల్సుకి కూడా కొత్త విషయం దొరికి నట్లుంది, రెండు వైపులా బాగానే...
20 comments
ఇంకా చదవండి