శ్రీ కంది శంకరయ్య గారు నిర్వహిస్తున్న శంకరాభరణం బ్లాగులో ఇటీవల నేను చేసిన పూరణలు. ఆ.వె. జడలు ముడియ గట్టి జపమాల చేబట్టి దొంగ స్వామి నగరి దూరి నంత చేరె చక్రధరుని చెల్లియే తనచెంత కాంతఁ జూచి మౌని కన్ను గొట్టె కం. మిడిమేళపు దొర యొక్కడు కడ గ్రేడు సిమెంటు వాడి కట్టగ డ్యామున్ నడిరేయి గండి పడెనట గొడుగెందుకు కుంభవృష్టి గురిసెడి వేళన్! కం. ఏమూలో దాగిన కవి సాముగరిడి చేసె కంది శంకరు మహిమన్ ఆ మాన్యు ప్రోద్బలము చే పామరుఁడే కవిగ మారి ప్రస్తుతు లందెన్. కం. హవ్వా యనగను సిబియై చివ్వున బోఫార్సు కేసు చీపుగ మార్చెన్ ఇవ్విధమగు శోధనమున పువ్వులు రాళ్ళగును, రాళ్ళు పూలుగ మారున్ తే.గీ. రైతు మరచిన హైటెక్కు రాజకీయు డతని నోడించి నొక 'దేవు' కందల మిడ వేల కోట్లతో పుత్రు కుబేరు జేసె పామునకు బాలు వోసిన ఫలిత మిదియె? కం. తానధికారము నుండగ ఏనాడూ కానలేదు ఈయన రైతున్ కానగ రైతులపై అభి మానమ్మే లేనివాఁడు మాన్యుం డయ్యెన్. ఆ.వె. దారి తప్పుటెల్ల తప్పుకాదెచటను దారి మరచినంత తప్ప నగును దారి వెతికి వెతికి దరిజేరకున్నను దారి తప్పు వాడు; ధర్మ విధుడు తే.గీ. వీధి
జీవితంలో చీకటి, వెలుగు రెండూ ఉంటాయి. ఒకటే కావాలని కోరేవారికి రెండోది బోనస్గా వస్తుంది.