అవినీతి భాగోతం

రాజశేఖర్ రెడ్డి వేలకోట్ల రూపాయల అవినీతికి పాల్పడ్డాడని ఈ రోజు పెద్ద గొడవ జరుగుతుంది. ఇంత పెద్ద ఎత్తున వచ్చిన ఆరోపణలలో ఎంతో కొంత నిజం తప్పకుండా వుండే అవకాశం ఉంది. అయినా ఎంతో పరిశోధించాల్సిన అవసరం లేదు. కళ్ళముందే వట వృక్శాల్లా పెరిగి పోతున్న ఆయన బంధువుల కంపెనీలే చెపుతున్నాయి. అయితే రాజశేఖర రెడ్డి ఎదురు దాడిగా చంద్రబాబు పై చేసే ప్రతి ఆరోపణలకు కొంతమంది ప్రాధాన్యత ఇస్తున్నారు. చంద్ర బాబు కూడా అవినీతి పరుడే అయినప్పటికీ అది ఇప్పుడు అంత ప్రస్తుతం కాదు. ఎందుకంటే అధికారం లోకి వచ్చే వరకు రాజశేఖర రెడ్డి చంద్రబాబు పై ఎన్నో ఆరోపణలు చేసాడు. అధికారంలోకి వచ్చిన నాలుగున్నర సంవత్సరాల్లో ఏ లాంటి చర్యలూ తీసుకోలేక పోయాడు. పైగా తనపై వచ్చిన ఆరోపణలకు ప్రత్యారోపణలతో జవాబివ్వడం నిజంగా సిగ్గు చేటయిన విషయం.

అయితే వీరిదరు సృష్టిస్తున్న గందరగోలాన్ని మనం తప్పక గమనించాలి. ముఖ్యంగా గమనించాల్సిన విషయం ఏమిటంటే ఇంతటి ఆరోపణలు చేస్తున్న చంద్ర బాబు కుడా రేపు అధికారం లోకి వస్తే రాజ శేఖర రెడ్డి పై చర్యలు తీసుకుంటానని స్పష్టమైన హామీ యివ్వటం లేదు.

ఇక చిరంజీవి అంటారా, ఎంత సేపూ ఇతరుల అవినీతి గురించి మాట్లాడుతాడే కాని తాను నీతివంతంగా ఎలా పరిపాలించ గలడో వివరించ బోవడం లేదు. తాను ఎలక్షన్లో డబ్బు, మద్యం వాడను అని ఇంతవరకు స్పష్టమైన హామీ యివ్వ లేదు. పైగా అవినీతి రికార్డు ఉన్న ఇతర పార్టీల నాయకులను తన పార్టీలో చేర్చు కుంటున్నాడు. కుటుంబ రాజకీయాలకు పురిటి లోనే పెద్ద పీట వేశాడు. ఇతడు అధికారం లోకి వచ్చిన తర్వాత పరిపాలన ఎలా వుంటుందో ఇప్పుడే కళ్ళకు కట్టినట్లు కనపడుతుంది.

వీరందరూ ప్రజలను తామే మభ్య పెట్ట గలమని అనుకుంటున్నారు. సామాన్య జనం అమాయకత్వం పై వీరికి అపారమైన నమ్మకం, తాము ఏది చెప్పినా నమ్మేస్తారని. అయితే దురదృష్ట వశాత్తు అది అసత్యం కాదు. ఇప్పుడు ఆలోచించ గలిగే ప్రతి ఒక్కరి కర్తవ్యం... రాజకీయ నిరాశ వాదం, అచైతన్యం నుంచి బయట పడి కనీసం తమ చుట్టూ ఉన్న జనాన్ని చైతన్య వంతం చేయడం.