దివంగత ముఖ్య మంత్రి చని పోయి రెండు రోజులు కూడా కాలేదు. సంతాప దినాలు పూర్తి కావడానికి ఇంకా ఐదు రోజులున్నాయి. ఈ లోపలే కాంగ్రెస్ వారు కామెడీ మొదలు పెట్టారు. వీరి కామెడీకి నవ్వాలో ఏడవాలో అర్థం కావడం లేదు.
ముఖ్య మంత్రి పార్థివ శరీరాన్ని ఇంకా తీసుకు రాక ముందే కేబినేట్ మీటింగ్ ఒకటి పెట్టారు. ఒక సంతాప తీర్మానం, కడప జిల్లాని YSR జిల్లాగా మార్చాలని ఒకటి, జగన్ ని ముఖ్యమంత్రిగా నియమించాలని ఒకటి మొత్తం మూడు తీర్మానాలు చేసారు. మొదటి రెండు వరకు ఫరవా లేదు. ఒక కేబినేట్ మంత్రి వర్గం ముఖ్యమంత్రిని ఎన్నుకోవడానికి కొరకై సిఫారసు చేయడం... కామెడీగా లేదూ? ఇందులో అసలు కామెడీ ఏమిటంటే ముఖ్యమంత్రి చనిపోయాక, ఆయన నియమించుకున్న ఈ మంత్రివర్గం రద్దయినట్లే నని రాజ్యాంగ నిపుణులు సెలవిచ్చారు. మరి వీరి తీర్మానాలకు చట్ట బద్ధత ఏది?
ఇక రెండోది కాంగ్రెస్ ఎమ్మెల్సీల సమావేశం. వీరంతా సమావేశమై జగన్ మాత్రమే ముఖ్యమంత్రి కావాలని తీర్మానం చేశారట. వీరి తీర్మానం నాలిక గీక్కోవడానికి కూడా పనికి రాదు. వీరెందుకు హడావిడిగా ఇప్పుడు తీర్మానం చేయడం? ఒక వైపు అధిష్టానం ఈ విషయం పై ఏమీ మాట్లాడకండి అని చెపుతుంటే?
మూడోది ఎమ్మెల్యేలు కూడా తీర్మానం చేయడానికి ప్రయత్నించడం. కాని కేంద్రం మొట్టికాయలు వేసేసరికి సంతాప సభతో సరిపెట్టారు.
అసలు వీరు ఇంత హడావిడి చేయడం ఎందుకో అర్థం కాదు. జగన్ కి ప్రజాభిమానం, ఎమ్మెల్యేల బలం ఉన్నట్టయితే ఆయనే అవుతారు ముఖ్యమంత్రి. దీనికోసం ఇంతగా తొందర పాటు చర్యలకు దిగడం ఆశ్చర్యం కలిగించడమే కాదు, అసహజంగా కూడా వుంది.
పదే పదే రఘువీరా రెడ్డి ప్రకటనలు ఇవ్వడం, బొత్స సత్యనారాయణ వెళ్లి DS పై ఒత్తిడి తేవడానికి ప్రయత్నించడం తొందరపాటు చర్యలుగా అనిపించడం లేదూ?
జగన్ CM ఐతే అదే కోటరీ లో ఉండి తమ పదవులు కాపాడుకోవచ్చని మంత్రుల ఆరాటం , జగనన్న CM కావలి అని అరిసి మీడియా లో ప్రముఖం గా కనపడితే ఏదో ఒక పదవి దక్కక పోతుందా అని మిగిలిన వారి ఆరాటం. స్వార్ధం ఒక స్థాయి వరకు భరించవచ్చోమో గాని వీళ్ళని వీళ్ళ ఆరాటాన్ని చూస్తుంటే ఛీ వద్దులేండి వేరే జీవాలతో పోలిస్తే మన బ్లాగర్లు చాలా మంది బాధ పడతారు.
ReplyDeleteఎక్కడ పడితే అక్కడ అలా అరుస్తా ఉంటే ప్రస్తుతం ఆ పదవి నిర్వహిస్తున్న వ్యక్తి కి ఎలా ఉంటుంది అన్న కనీస జ్ఞానం కూడా లేదు ఛీ ఛీ !
>> "వీళ్ళని వీళ్ళ ఆరాటాన్ని చూస్తుంటే ఛీ వద్దులేండి వేరే జీవాలతో పోలిస్తే మన బ్లాగర్లు చాలా మంది బాధ పడతారు"
ReplyDelete;-)
ఎవరో రాశారు, బ్లాగుల్లోనే. వైఎస్ అపర గాంధీ అట! అభిమానానికీ ఓ హద్దుండాలి.
పదవి కోసం, డబ్బుల కోసం ఎన్నెన్ని డ్యాన్సులు కడతన్నారో చూడండి. అకశేరుకాలు సార్, వీళ్ళు!
ReplyDeleteశ్రావ్య, అబ్రకదబ్ర, చదువరి గార్లకు ధన్యవాదాలు.
ReplyDeleteఈ రోజు గాంధీ భవన్ లో జరిగిన సంతాప సభలో కూడా అదే కనపడింది. హాజరైన కార్యకర్తల్లో ఏ ఒక్కరి ముఖంలోనూ సంతాపం కనపడ లేదు, ఎంత గట్టిగా అరవాలన్న తపనే తప్ప.